Tontosa omaly voalohany volana jiona teny amin’ny kianja miaramila Betongolo ny lanonana ara-miaramila fifamindram-pahefana sy fandraisam-pahefana teo anivon’ny foloalindahy malagasy, ny zandarimariam-pirenena sy ny tafika. Izany dia notanterahina teo ambany fitarihan’ny jeneraly Razafindrakoto Lantoarinjaka, lehiben’ny Etamazaoro jeneralin’ny tafika malagasy sy jeneraly Ramiandrisoa Jean Dieu Daniel, kaomandin’ny zandarimariam-pirenana ary notronin’ny jeneraly minisitry ny fiarovam-pirenena sy ny jeneraly sekreteram-panjakana miadidy ny zandarimariam-pirenena ary ny olo-manan-kaja maro.

Teo anivon’ny zandarimariam-pirenena dia nisy telo sosona ny lanonana ka voalohany tamin’izany ny fifamindram-pahefana teo amin’ny fibaikoana ireo sekolin’ny zandary, ny fibaikona ireo vondron-kery manokana eny Ivato ary farany dia ny avy ao amin’ny hery vonjy taitran’ny zandarimaria eny Fort-Duchesne. Ny teo amin’ny tafika Malagasy kosa dia nisy lanonana efatra sosona: ny teo amin’ny rezimanta faritany miaramila, ny teo amin’ny hery an’habakabaka, ny komandin’ny hery vonjy taitra an’ny tafika Malagasy ary ny fibaikona ny hery fampandrosoana.

Laurena Nany