Taorian’ny fanadihadiana nataon’ny mpitandro filaminana mahakasika ny halatra vary niteraka fitsaram-bahoaka tany Manakara ny 22 mey lasa teo dia telolahy hafa no voasambotry ny zandary. Ny voalohany volana jiona teo, tany amin’ny kaominina Ampasimanjeva no tratran’ny zandary ireo jiolahy 3, izay voarohirohy ho isan’ny nandray anjara tamin’ny fangalarana vary am-potorany, naman’ilay iray voatapa-doha, tany amin’ny fokontany Tsararano, kaominina Mitanty. Koa rehefa natao famotorana izy ireo dia nanondro lehilahy 3 hafa namono ilay niharan’ny fitsaram-bahoaka izy ireo. Taorian’izay dia nanome baiko avy hatrany ny mpampanoa lalàna fa tonga dia atolotra ny Fitsarana izy ireo ny omaly 2 jiona. Mitohy noho izany ny fikarohana ireo telo lahy nanapa-doha ireo.

L.N