Tovolahy iray sahabo ho 25 taona any ho any no hita faty vao maraina, teny Andohatapenaka, amin’iny lalana digy ampitan’ny kianjan’ny Makis iny. Tsy fantatra ny antony nahafaty azy. Ary samy manana ny filazany amin’ny mety ho namoizany ny ainy avokoa ny olona nahita ny razana. Tao ireo nilaza fa mety nisy namono izy nefa tsy nahitana ratra na mangana kosa ny tenany. Ahiana ho matin’ny hatsiaka mamirifiry niampy hanoanana no nahafaty ilay tovolahy satria tsy nisy lamba nirakofana izy. Ny sakafo ihany koa tsizarizary. Tsy nisy kosa taratasy nahafantarana ny maty teny aminy. Nilaza ho tsy mahafantatra azy ihany koa ny olona eny manodidina. Efa hatramin’ny alarobia hariva tamin’ny 7ora no efa nisy nahita azy nitsirara teo an-toerana. Efa tonga nijery ny razana teny an-toerana ny mpitandro filaminana sy ny Bmh. Misokatra ny fanadihadiana.