Mbola mahazo vahana hatrany ny fandrobana lavanila eny an-tsaha. Jiolahy roa nikasa hangalatra lavanila no naratra mafy voan’ny fandrika nataon’ny tompon-bokatra, tany Andapa. Fantatra fa niditra tao an-tanimboly iray any Andrakata, ireo mpangalatra, ny alarobia antoandro teo satria tsy nanampo fa misy fandrika ao. Teo am-piotazana indrindra izy ireo no tratran’ny mpiandry saha. Saika handositra iny anefa ireo olon-dratsy no voan’ny tsy nampoiziny, araka ny vaovao voangona. Nianjera nitsilany ny iray ka voa teo amin’ny lamosiny fa ny faharoa kosa teo amin’ny tongony. Tsy afa-nihetsika intsony ireo jiolahy ka niantso ny tompon-bokatra avy hatrany ny mpiandry saha ary nampandre ny mpitandro filaminana kosa iry voalohany, hany ka, noraisim-potsiny izy ireo. Ny alarobia tamin’ny 4ora tolakandro no naterin’ny zandary tany amin’ny hopitaly any Sahamazava izy roalahy mba hahazo fitsaboana.

L.N