Miparitaka ao anatin’ny tambajotra sosialy ny fampahafantarana fa tafiditra eto Madagasikara amin’izao fotoana izao, ny ranom-boankazo izay nahafatesana olona an-jatony tany amin’ny firenena Tanzania. Araka ny voalaza dia avy any amin’ny firenena Ghana no fiavian’ilay ranom-boankazo fa misy poizina. Ny fantsom-pampahalalam-baovao iraisam-pirenena, izay milaza fa olona 180 isa no efa matin’io ranom-boankazo io. Fa fanontaniana mipetraka ao andohan’ny maro amin’izao fotoana izao, ny fomba nahatafidiran’io zava-pisotro io teny amin’ny fadintseranana malagasy sy ny mpiambina ny sisi-dranomasina. Mila mailo ny rehetra fa toa zary lasa toeram-panariam-pako eto Madagasikara. Tsikaritra mantsy fa be dia be ny vokatra efa tsy ilain’ny firenena any ivelany mitobaka eto amintsika, indrindra rehefa manakaiky ny fety tahaka izao.