Omby miisa 7 no lasan’ireo dahalo tamin’ny fanafihana tao Ambatomainty Tsaratanàna ny faran’ny herinandro lasa teo. Olona iray ihany no tompon’ireo biby ireo ary nampandre ny fokonolona sy ny mpitandro filaminana avy hatrany izy vantany vao lasa ireo mpangalatra. Raikitra ny fanenjehana sy ny fanarahan-dia izay niarahan’ny fokonolona sy ny zandary ka nilaozan’ireo dahalo ny omby rehetra ary tafaverina tamin’ny tompony. Efatra mirahalahy fotsiny ireo mpangalatr’omby nanatontosa ny fanafihana. Io no heverin’ny fokonolona fa antony tsy nahasahian’izy ireo nifanandrina tamin’ny mpanara-dia. Sady tsy nisy naratra no tsy namoizana aina ity tranga iray ity ary nahavelom-bolo ny fokonolona ny vokatry ny firaisankina nisy teo amin’izy ireo sy ny mpitandro filaminana any an-toerana. Mbola mitohy ny fikarohana satria tsy nisy voasambotra ireo malaso.

Dom