Ankoatra ny vonjy aina dia miroso amin’ny tan-tsoroka sosialy fiahina ny zaza ihany koa ny Croix rouge malagasy any Fenoarivo Atsinanana. Nizara bodofotsy sy akanjo mafana ho an’ireo zaza vao teraka izy ireo ary nanolotra fanampiana ara-tsakafo ho an’ny zaza sembana ihany koa. Ankoatra izany dia nametraka tetikasa hanadiovana ny moron-dranomasina mba ho fiarovana ny tontolo iainana sy hiadiana amin’ny fiparitahan’ny loto mety hitondra areti-mifindra. Anisan’ny mampiavaka ny Croix rouge malagasy ny fanofanana ireo mpilatsaka an-tsitra-po ka ireny no mandray andraikitra avy hatrany rehefa misy ny ilan’ny sosialim-bahoaka azy. Tamin’ilay loza teny Mahamasina izao dia mpilatsaka an-tsitra-po miisa 25 eo ho eo no tena nanao ny ainy tsy ho zavatra nanavotana ny naratra satria tsy ampy isa ireo mpitsabo mpanampy izay mpiandry raharaha nanao ny asany.

Dom