Tranga hafa kely sady nampalahelo ary nahatsikaiky ny zava-niseho teny Analakely ny alarobia lasa teo : nidoboka avy eny amin’ny 5 metatra ny lehilahy iray mpanala arendrina. NIfarana io alarobia io tokoa mantsy ny fotoana nandraisan’ny araben’ny fahaleovantena ny fihetsiketsehana manodidina ny fankalazana ny fetim-pirenena. Roso tamin’ny fanesorana ireo trano heva sy haingon-tanàna, noho izany, ny mpiasan’ny kaominina. Anisan’ny nandravahana iny hetsika iny ny arendrina maroloko izay nihantokantona tamin’ny tady manerana ny araben’ny fahaleovantena. Nipetraka tamin’ny andrin-jiro ireo tady satria nampiasa tohatra ilay mpiasan’ny kaominina tamin’ny fotoana saika hanesorana ireo arendrina. Tampoka teo anefa dia izy efa nidoboka tamin’ny tany no nanaitra ny maro izay tsy mba nanavotra fa nihomehy ny ankamaroan’ireo nanatry maso. Ratra maivana no nahazo ilay nianjera ary afaka nanohy ny asany avy hatrany izy rehefa naka aina kely. Nambarany fa nisolifatra ilay tohatra niakarany satria tsy nipetraka tsara no tsy nisy nitazona ihany koa.

Dom