Zazalahy iray 17 taona no niharan-doza, tany amin’ny lalam-pirenena Rn9 raha nikasa hody haka ny saram-pianarany tany amin’ireo ray aman-dreniny, hiatrehana ny fanadinana famaranana, ny sabotsy lasa teo. Nitaingina bisikileta moramora hihazo an’Antanimieva ilay tovolahy no nofaohan’ny fiara iray manamboatra lalana nony tonga tany amin’ny lalana Ankorondamoty, kaominina Ankililoaka. Mafy ny dona nahazo azy ka maty tsy nialana nenina akory. Marihina fa mpianatra ny sekoly katolika ilay niharam-boina ka nidina teny amin’ny toerana nisian’ny loza niaraka tamin’ireo mpitandro filaminana ireo mompera tompon’andraikitra voalohany any amin’ilay sekoly sy ny fokonolona. Taorian’ny fizahana natao dia nentina nihazo ny tanindrazany any Antanimieva ny razana. Ilay mpamily nahavanon-doza kosa efa eo am-pelatanan’ny zandary.

L. N