Niampatrampatra ny faty olona tany amin’ny lalam-pirenena Rn7. Nijininika eran’ny arabe ny rà, ny alatsinainy teo tamin’ny 9ora alina. Io indray ny vokatra ny tsy fitandremana nataon’ny mpamily nitondra fiara marika Mercedes Sprinter iray, izay manao zotra mampitohy ny renivohitra sy Tsiroanomandidy. Noho ny fandehanana mafy dia nivadika ambony ambany ilay fiara taksiborosy rehefa tonga tany Antanambao, tanàna iray eo amin’ny 20km tsy hidirana an’i Tsiroanomandidy raha avy aty Antananarivo. Mpandeha efatra maty teo no ho eo ary anisan’izany ny mpamily mpanampy. Be dia be koa ireo naratra mafy hatramin’ny mpamily. Ity farany izay mbola miady amin’ny fahafatesana tamin’ny fotoana nanoratana ity lahatsoratra ity.

L.N