Mahavita zavatra sy fotodrafitrasa goavana ny vahoaka eny ifotony rehefa miezaka. Anisan’izany ry zareo any Madirovalo satria noho ny herin-tsandrin’ny fokonolona dia voavadika ho tanimbary ny honahona mirefy 300ha. Ny solombavam-bahoaka tany an-toerana no nanampy ara-bola sy ara-pitaovana nahafahan’ny vahoaka eny ifotony nanao izany. Marihina fa efa tao anatin’ny 21 taona no tsy azo nampiasaina io toerana io satria dibo-drano ka lasa honahona. Tanimbary ihany anefa izy io taloha ary hitan’ny vahoaka fa tsara raha averina azo ampiasaina indray mba hampakarana ny vokatra any an-toerana. Lakan-drano mirefy 2 kilaometatra latsaka kely no natao dia niverina tamin’ny laoniny ilay tanimbary. Malaza ho anisan’ny mazoto sy tia mamboly ny mponina ao Madirovalo saingy mila tosika kely avy amin’ny manam-pahefana mba hanatsaran’izy ireo ny vokatra any aminy. Tsy ilay resaka biby any anaty honahona feno bararata araka ny hiran’i Mahaleo fotsiny no ahafantarana an’i Madirovalo fa ny fahavitrihan’ny mponina miasa ihany koa.

Dom