Nanomboka omaly ny atrikasa tanterahina any Ambovombe Androy handinihana ny tena olana mampiverimberina ny kere any amin’ny faritra Atsimo. Faritra miisa 3 no voakasik’izany dia Anosy, Androy ary Atsimo andrefana. Any an-toerana avokoa ireo hery velona sy mpiara-miombona antoka amin’ny fikatsahana vahaolana mikasika ity kere ity. Nambaran’ny mpikarakara fa ankoatra ny fanangonana tolo-kevitra sy fandrafetana miaraka ny paikady tena mahomby dia hisy ny fanontaniana ireo mpisehatra raha tena vonona ny hanatanteraka izay fehin-kevitra mivoaka eo. Ny hain-tany izay mametra ny fahafahana mamokatra ara-pambolena sy fiompiana moa no tena olana voalohany mahazo ny toerana sasany any amin’ny faritra Atsimo. Antenain’ny vahoaka fa tena hiasa sy hitady vola hametrahana fotodrafitrasa iadiana amin’ny tsy fisian’ny rano ny fitondram-panjakana fa tsy hiandry ny famatsiambolan’ny avy any ivelany izay toa lasa resa-be fotsiny.

Dom