Hita faty vao maraina tao Ambohitany ny lehilahy iray 59 taona. Mpisotro toaka io olona io ary mamo izy ny omalin’io andro nahitana ny vatana mangatsiakany io, araka ny filazan’ireo mahafantatra azy. Rehefa nantsoina ny mpitsabo nanao ny fizahana dia voaporofo fa toaka tokoa no nahafaty azy. Misokatra ihany anefa ny fanadihadian’ny zandary avy ao amin’ny borigadin’Andriampamaky sao sanatria nisy resaka vono olona ity raharaha ity. Tsy zava-baovao eto Madagasikara rahateo ny fahenoana olona maty vokatry ny alikaola voapoizina. Mbola ilaina fanadihadiana lalina ihany koa ny niavian’ilay toaka nosotroiny sao dia misy akora tsy ara-dalàna ka hiteraka aretina na fahafatesan’ny olona hafa misotro ihany koa. Matetika dia ny toaka gasy izay tsy fantatra mazava ny fiaviany no tena mahafaty olona. Ity tany Ambohitany ity kosa dia tsy mbola voaporofo mazava na ny toaka nobobohany no nahafaty ilay rangahy na ihany koa mety ho renoka teny ivelany izy ka matin’ny hatsiaka mandra-paharainan’ny andro.

Dom