Miditra amin’ny famonoana alika mpirenireny ny ao an-drenivohitry Mahajanga amin’izao fotoana izao. Tanjona amin’izany ny hampihenana ny risika mety hifindran’ny areti-mifindra azo avy amin’ny kaikitry ny alika dia ny haromontana izany. Efa maromaro ihany ny alika maty any an-toerana hatramin’ny niantombohan’ny hetsika saingy mila mitandrina kosa ny vahoaka satria poizina no ampiasaina ka mety hisy fiantraikany ratsy raha lasa any amin’ny sakafon’olona. Ireo mpitsindroka fako no tena mila fitandrama satria misy amin’ireny mahantra sy malahelo ireny miady vary sy sakafo amin’ny alika eny an-dalana sy eny amin’ny dabam-pako eny. Fantatra fa ny alika no biby voalohany tena mpamindra ny haromontana amin’ny olombelona. Tsy mbola misy fanafody anefa ny haromontana fa ny fanaovana vakisiny ireo olona voakaikitra ihany no fanafana mahomby indrindra. Ankoatra ny alika dia mety hamindra haromontana ihany koa ny kaikitry ny biby mampinono hafa toy ny saka sy ny voalavo ary ny ramanavy.

Dom