Lehilahy iray no maty nohitsahin’ny kamiao tao amin’ny fokontany Marombihy Sambava ny fiandohan’ny tolakandron’ny Alakamisy lasa teo. Voalaza fa mpampianatra ao amin’ny Epp izy io ary tsy mbola voaray ho mpiasam-panjakana. Niteraka aizina sy fambara ratsy ho an’ny fanadinana BEPC izay nifarana io alakamisy io ity loza mahatsiravina ity. Tato ho ato dia betsaka ny kamiao nahafaty olona sy manao lozam-pifamoivoizana. Tsy fitandreman’ny mpamily sy ny tsy fahatomombanan’ny fikojakojana ara-tekinika hatrany no mahatonga ireny loza ireny matetika. Matimaty foana fotsiny ny mpandeha an-tongotra satria ny mpamilin’ny kamiao tsy mba voatazona amin’ny loza aterany mihitsy matetika. Io antony io no mahatonga ny fitsaram-bahoaka mba hanafaizana ny mpamily tsy mitandrina rehefa mandalo toerana be olona mifamezivezy. Tsy ampy rahateo ny fanaraha-mason’ny mpitandro filaminana ka dia manao izay saim-pantany ireo mpamily.

Dom