Fety no novonjena kinanjo fahafatesana no niandry! Maty tsy tra-drano voatsatoky ny antsy ny lehilahy iray nanatrika famadihana tany Amparihindrainifotsy Tsiroanomandidy. Nisy lehilahy mamolava iray nila vaniny taminy  tao anatin’ilay fety ka tsy nahatanty fa  nifamaly. Avy hatrany anefa dia nandray antsy ary nanatsatoka izany tamin’ilay lasibatra ilay mamo ka faty no nisarahana. Tsy nampoizin’ilay nanindrona ny zava-nitranga ary nisava tampoka niaraka tamin’izay ny toakany raha vao nahita ilay noratrainy nianjera tamin’ny tany. Lasa nandositra izy ary mbola ifampitadiavana hatramin’ny fotoana nahazoana ny vaovao. Efa mandray ny andraikiny amin’ny fanadihadiana ny mpitandro filaminana ary efa vita avokoa ny fomba  rehetra hahafahana manao ny fanenjehana eo anoloan’ny fitsarana.