Tsy nisy nahafantatra sy nahita ny zava-niseho fa izy ihany no nitolo-tena tany amin’ny zandary. Tovolahy vao 16 taona monja io nahavanon-doza io ary ramatoa 54 taona ilay matiny. Nlaza tamin’ny zandary izy fa nanao heloka ary nanenina sy matahotra fitsaram-bahoaka ka izay no nankanesany tany amin’ny mpitandro filaminana. Roa andro taorian’izany izy vao nitantara fa nahafaty olona. Ramatoa iray izay tsy fantany akory fa saika hendahiny io matiny io. Tsy nieritreritra ny hamono izy fa saika handroba kinanjo niaro tena mafy ilay lasibatra ary nisy ny ady teo amin’ny roa tonta. Lehilahy sy vehivavy anefa ary antitra sy tanora ka maty tsy nahy ilay renim-pianakaviana tsy nanan-tsiny. Nanamarina avy hatrany ny zava-nisy ny mpitandro filaminana ary hita tao anaty kirihitra ny fatin’ilay ramatoa. Efa nitantara tsy nanontaniana ny zava-nitranga rehetra ilay nahavanon-doza sy efa nitolo-batana ihany koa ka tsy nisy intsony ny olana tamin’ny fizotry ny famotorana. Efa nantsoina ny havan’ny maty ary natolotra ny fianakaviana ny razana. Ilay tovolahy kosa dia nafindra any amin’ny kaompanian’i Manakara mba hisorohana ny fitsaram-bahoaka.

Dom