Fandriana – Lasan’ireo jiolahy hatramin’ny sigara
Toeram-pivarotana indray no voatafika tany fandriana. Nahery vaika ny fanafihana ary nahazo volabe ireo jiolahy tamin’ity tranga ity. Dahalo miisa 03 nitondra basy nanafika mpivarotra ka vola 3 tapitrisa Ariary sy sigara 4 baoritra no voaroba. Naratra voakapoka tamin’ny vatomizana ilay lehilahy tompon’nyu toeram-pivarotana ary voadona tamin’ny lamosiny ramatoa vadiny. Nisy olona sendra nandalo ihany koa naratra. rehefa tonga teny an-toerana ny zandary dia hita teny an-toerana ny vodim-bala miisa 02 amin’ny 7.62mm. tsy namaly ireo mpivaroitra fa raha toa ka nanohitra ireo jiolahy dia mety notifirin’izy ireo ho faty mihitsy raha izao zava-nitrangha izao. Ny zandary ao Imito no manao ny famotorana amin’ity fanafihana mitam-piadiana narahina herisetra sy halatra ity. Mety ho lalana iray hanamora ny fanadihadiana ny fanaraha-maso ny fivarotana sigara any an-toerana. Mazava ho azy mantsy fa tsy maintsy hamidin’ireo jiolahy ireo sigara marobe norobainy fa tsy ho fohany avokoa.