Tsy misy izay tsy mahalala fa betsaka ny lozam-pifamoivoizana tato ho ato. Na ny fiara mpitondra mpandeha na ireo mpitondra entana. Tsikaritra matetika amin’izany fa ny fandehanana mafy no miteraka loza. Efa maro ny voa nefa tsy mety fay ireo mpitondra fa dia manao izay tiany satria te ho tonga aloha na koa te hahavita asa betsabetsaka kokoa, kanefa faty no hita amin’izany. Ny alakamisy 29 aogositra tokony ho tamin’ny 10 ora sy 40 minitra alina, tao aminy fokontany Andranovelona, kaominina Fihaonana, nisy kamiao “semi-remorque” marika MAN, izay avy aty Antananarivo ho any Mahajanga, no niala ny lalana ary nivarina tany an-tanimbary, noho ny fandehanana mafy. Vokatr’izany, naratra ilay mpamily, izay lehilahy tokony ho 53 taona sy ilay mpanampy azy. Ny nampalahelo anefa dia ny zanak’ilay mpamily mpanampy, izay nanaraka ny rainy no maty tsy tra-drano. Ny zandary avy ao amin’ny borigadin’i Fihaonana no manao ny fa,adihadiana.

Volana S.