Ankoatr’ireo mpizahantany te hianoka ny fanakonan’ny volana ny masoandro ny antoandron’ny alakamisy voalohan’ny volana septambra 2016 dia hita sy tsapa fa toy ny andro fety sy andro alahady mahazatra ny fahamaroan’ny mponina nivezivezy eny an-dalambe rehetra eny, na dia teo aza ny fanentanana natao teo anoloan’ny biraon’ny Faritra Atsinanana, araben’ny Fahaleovantena, ka nandraisan’ireo mpanakanto samihafa anjara. Tsy naharototra ny mponina eto Toamasina firy ny fisian’izany eklipsa izany, fa toa samy nipiripirina tany amin’ny tokantranony avy ny tsirairay. Araka ny fanadihadiana natao dia maro ny antony nahatonga izany : maro ny fianakaviana sahirana, tsy nahavidy solomaso voatokana satria efa mitovy na sahala amin’ny vidim-bary iray kilao hatao sakafo mandritra ny andro iray ; ny filaharam-be eny amin’ireo toerana ahitana ny fivarotana ireny solomaso voatokana ireny. Ankoatra ireo ny tahotra noho ny tsaho isan-karazany nentina nandemena fa bizina ho an’ny sasany ny fivarotana ny solomaso voatokana.

ZOUZOUH Toamasina