Tsy  zava-baovao ho an’ny rehetra intsony ny fisian’ny lozam-pifamoivoizana eny an-dalana, indrindra amin’ny andro alina satria mihevitra ny ankamaroan’ny mpamily fa efa vitsy mpandeha ny lalana ary tsy misy intsony ny fitohanan’ny fiara ka afaka manao izay tiana hatao. Izany anefa no mahatonga ny faharatrana mafy izay miafara amin’ny fahafatesana mihitsy aza. Tamin’ny 19 septambra lasa teo, tany amin’ny distrikan’i Morondava, faritra Menabe, fokontany Betanatanay, kaominina ambanivohitr’i Dabolava, tokony ho tamin’ny 3 ora sy sasany maraina dia fiara 4×4 Toyota Land Cruiser iray, nitondra olona 6 no nilatsaka tany anaty hantsana noho ny fandehanana mafy. Olona iray naratra mafy ary nentina tany amin’ny hopitaly izay akaiky indrindra. Vantany vao naheno izany ireo zandary any an-toerana dia nidina ifotony avy hatrany nanao ny fanadihadiana. Ny aina Ramangatahiana ka ny fitandremana sy ny fandehanana milamina ihany no vahaolana hisorohana ny loza.

Anna Ra.