Raikitra indray ny fangalarana taolam-paty na eto an-drenivohitra izany na any amin’ny faritra. Ny sabotsy lasa teo, fasana telo be izao no nasesin’ireo mpangalatra taolam-paty novakiana tany amin’ny distrikan’i Brickaville, fokontany Tanandavana, kaominina ambanivohitr’Ambinaninony. Fongana tanteraka ireo taolan-dava tao amin’ireo fasana ireo. Ny tompom-pasana telo monina ao Anteromba Vohitanatana, Zafimpolony Marofody ary Ambolomadinika no sendra nahatsikaritra izany, tamin’ny alalan’ny fidanadanan’ny varavaram-pasana sy ny fisavovonan’ny vovon-tany teo akaiky teo. Tamin’izany ihany koa no nahalalana fa very ny razambe satria razana marobe tokoa no tao ary ny lamba namonosana azy ireo no sisa tavela tao. Raha ny tombatombana moa dia efa tamin’iny herinandro lasa iny no vaky ity fasana ity na koa efa talohan’izay. Misy ny fepetra noraisina manoloana izany ka efa manao ny famotorana ny polisy ny amin’ny fikarohana ireo olon-dratsy.

Anna Ra.