Namoa-doza indray ny olana ara-teknika tamina fiara iray teny amin’iny faritra Faravohitra iny omaly antoandro. Fiara  matanjaka, marika « Clio » iray no tapaka hisatra avy any Andohalo ka tsy voafehin’ilay mpamily. Iny lalana iny koa fidinam-be mikodana ka nivadika ambony ambany manoloana ny Ekar Faravohitra ilay fiara. Marihina fa saika ho isan-taona no misy toy izao eo amin’io lalana avy any Andohalo hidina an’Antaninandro io. Noho izany, tokony hitandrina mandrakariva ny rehetra amin’ny fikarakarana ny fiara satria lahy tokana koa ny aina. Indrindra ho an’ireo izay mampiasa matetika iny lalana amin’iny faritra “ La Haute Ville” iny. Marihina fa tsy nisy ny aina nafoy fa nahitana ratra madinidinika kosa ny olona tao anaty fiara, noho ny fitahian’ny ao ambony.

S.A.