Heverin’ny olona ho nisy namono ny lehilahy iray hita faty teny amin’ny morontsirak’Antsiranana. Nahitana ratra mantsy ny handriny sy ny vavany ary nivoaka rà ny masony. Raha tsy niniana novonoina izy io dia mety tratran’ny lozam-pifamoivoizana ka natsipy tany anaty rano hoy ny filazan’ny olona. Tsy mbola nibontsina ilay faty, izany hoe tsy nijanona ela tao anaty ranomasina dia natsipin’ny onja teny amin’ny sisiny raha ny fiheveran’ireo nanatri-maso azy. Efa fantatra kosa ny mombamomba azy ary efa nampandrenesina ny fianakaviany.  Tsikaritra kosa anefa tato ho ato fa mihamaro ny olona maty an-dranomasina.  Saika ny toerana rehetra amin’ny morontsiraka dia andrenesana loza toy izany foana.  Ny tatitry ny zandarimariam-pirenena sy ny olon-tsotra amin’ireny toerana manamorona ny ranomasina ireny no andrenesana olona lasan’ny rano fa nandro na ihany koa efa faty sisa no hita.

Dom