Hamamoan’ny mpamily diso tafahoatra na fihetraketrahana tsotra izao. Ireo no heverina fa niteraka ity loza nitranga tany amin’iny faritra Betsiboka, ao amin’ny distrikan’i Maevatanàna iny. Toeram-pivarotana kafe sy mofo no nofaohan’ny kamiao lehibe marika Renault iray. Ny Sabotsy lasa teo tokony ho tamin’ny 5 ora sy sasany hariva no nirimorimo teny amin’iny lalam-pirenena faha-4 iny ilay fiara ary raha ny voalazan’ireo nanatri-maso dia mihoatra ny hafainganam-pandeha tokony ho izy ity kamiao ity. Voalaza fa lehilahy vao erotrerony no nitondra ilay fiara satria vao 23 taona monja ary monina ao Tanjombato, distrikan’Atsimondrano.  Ao anaty fiolanana tanteraka  ilay fivarotana ka voadona mafy dia mafy. Potika noho izany ilay fivarotana ary tsy nahitana fahasimbana kosa ilay fiara lehibe. Niparitaka eraka ny arabe ny fitaratra nisy ny mofo, ny siramamy sy ny dite ar ny kafe. Tsy nisy ny olona naratra na maty tamin’izany fa ny nampalahelo dia ny mba fitadiavana kelin’ireto ankohonana iray no simba tao anatin’ny segodra vitsy monja, vokatry ny tsy fitandreman’ny sasany. Noraisin’ny polisy ao Ambalanjanakondry ny raharaha.

Ra Tax.