Niharan-doza ny vedety nitondra ny tarika Dadilove ny fiandohan’ity herinandro ity.  Rendrika tao Ankify io fitaovam-pitaterana an-dranomasina io rehefa teny amin’ny 70 metatra tsy hidirana ny fiantsonana. Efa za-drano avokoa ny tao anatiny ka tsy nisy maty na naratra. Simba sy lasan’ny rano kosa anefa ny antsasaky ny fitaovana fanamafisam-peo sy ny zava-maneno fampiasan’ity tarika mpihira efa malaza ity. Mbola manao ny fanadihadiana ny mpitandro filaminana hijerena izay antony mety ho nahatonga ny loza. Mateti-pitranga ny loza an-dranomasina tato ho ato ka mila mitandrina tsara ny mpampiasa ireny vedety sy karazan-tsambo kely ireny. Ankoatra ny fatiantoka eo amin’ny entana simba sy lasan’ny rano ary ny fahasimban’ny fitraovam-pitaterana dia goavana ny risika hisian’ny olona maty an-drano amin’ny faharendrehana vedety. Soa fa nieren-doza ry Dadilove.

Dom