Fanampiana ireo mponina aty amin’ny tany an-dalam-pandrosoana amin’ny resaka fahasalamana sy fandrindrana ny fiainam-pianakaviana no tena antom-pisian’ny Psi (Population Service International) eto Madagasikara. Noho izany indrindra dia nanao fitetezam-paritra izy ireo nanentanana ireo tanora amin’ny voka-dratsin’ny vohoka aloha loatra. Manimba ny hoavy tokoa mantsy izany raha aloha loatra satria ny ankizy tsy maintsy taizana nefa etsy an-kilany koa tsy maintsy mitady izay hamelomana azy hany ka ny fianarana indray no tsy maintsy ajanona. Matetika lasa vesatra ho an’ny mpiara-monina amin’ny tena koa izany. Ny alakamisy lasa teo ireo tanora avy amin’ny Psi Madagasikara no nandalo tany mahajanga ary seho maro samihafa no nomanin’izy ireo ho amin’izany. Ny alakamisy sy zoma dia nisy ny hetsika Urban Dance izay nahavory tanora maro tokoa. Ankoatry ny fanentanana natao dia nisy koa ny fizarana kapaoty maimaimpoana.

N. R