Nanjavona tao amin’ny Ceg andrefan’ny Gara Tsiroanomandidy ny vola mitentina 5,5 tapitrisa ariary sy ny fitaovana mahatratra 4,6 tapitrisa ariary. Ahiana ho ny talen’ny Ceg ihany no nanao izany fanodikodinam-bolam-panjakana izany. Tsy nety namerina ny vola nefa ity farany ka nametraka fitoriana ny Dren Bongolava. Vola fampandehanan-draharaha sy tsipaipaikan’ireo ray aman-drenin’ny mpianatra ho karaman’ireo mpampianatra Fram ity nanjavona ity. Mety hisy akony ratsy amin’ny fampianarana any an-toerana izany. Nandalo fitsarana izy ka ny  talem-paritry ny fampianarana any an-toerana indray no nolotoiny. Nolazainy fa nanolana zaza tsy ampy taona. Sipan’ilay talen-tsekoly ihany anefa io zaza io, izay nandravany ny tokantranony mihitsy. Nitondra fanazavana mahakasika izany ity talem-paritra ity nandritra valan-dresaka nifanaovany tamin’ny mpanao gazety ary nolazainy fa misy ambadika politika izao raharaha izao.

Nangonin’i N.R