Fanafihana goavam-be no nitranga tao Antanandava kaominina Ankaramena distrikan’Ivohibe tamin’ny marainan’ny alahady lasa teo. Dahalo efa ho 400 ary andiam-behivavy maromaro no indray nanafika tao amin’ity tanàna ity. Tsy nisy afa-nanohitra izany na ireo zandary vitsivitsy tany an-toerana na ny fokonolona noho ny hamaroan’ireo dahalo. Lasa avokoa ny ombin’ny iray tanàna izay mahatratra aman’arivony maro sy ny vola kely tao amin’ireo tokantrano. Nodoran’ireo dahalo ihany koa ny ankamaroan’ny trano fonenan’ny mponina tany an-toerana. Niandry fanampiana avy tamin’ny zandary manodidina ireo mponina ary niroso tamin’ny fanarahan-dia nefa niveri-maina fotsiny noho ny hery tsy mitovy. Maro tamin’ireo dahalo mantsy no nanana fitaovam-piadiana toy ny basy, famaky sns… Tsy nisy ny aina nafoy na dia nisy azan y fifandonana tamin’ireo malaso.

Ny Tsiky R.