Vola 200 000ariary karama avy noraisina no namoizan’ity raim-pianakaviana iray ny ainy ny sabotsy tolakandro teo teny amin’ny Fasanikarana.  Tsy fantatra izay nahavanon-doza fa dia izy efa mitsitra amin’ny tany no hitan’ny mpandalo.  Tsy nisy taratasy nahafantarana azy teny amin’ny fa ireo manodidina sendra nahita ny razana no niteny fa mody eny amin’ny faritra Andoharanofotsy iny ity lehilahy ity. Manjaka tokoa ny ratsy etsy sy eroa. Indrindra moa fa toerana fiantsonana fiara toa  ny eny amin’ny Fasanikarana iny dia efa ela no mirongatra ireo mpanao ratsy noho izy mandray olona mpandeha aman’aliny isan’andro avy any amin’ny faritra. Amin’izao tokoa dia miaina ao anaty tahotra sy horohoro tokoa ny vahoaka malagasy satria dia na finday tsy dia misy vidiny aza dia tsy mihambahamba mihitsy ireo jiolahy mandatsaka ain’olona amin’izany raha toa ka mamaly azy ianao.

S.A