Milatsaka ny ramatahora avy any amin’ny faritry ny lavanila sy ny bois de rose. Namoaka didy ny manam-pahefana ao amin’ny faritra Sava (Sambava, Vohemar, Antalaha, Andapa)  fa tsy azo atao intsony ny mamoaka vaovao manalabaraka na manaratsy ny faritra  ao amin’ny facebook, indrindra fa ireo zanaky ny faritra na olon-tsotra izany na mpanao Gazety . Eny fa na vaovao tsara na ratsy ka tsy nahazoana alalana avy amin’ny faritra fa mahavoasazy. Tsy hitsitsy ary dia hovidiana lafo izany hoan’ireo izay mbola minia manao ny mifanohitra amin’izany. Izany moa dia taorian’ireo trangan-javatra maro nifanesisesy niseho tany amin’ity faritra ity. Efa maha voaheloko koa ankehitriny ny manaparitaka vaovao sy mizara izany amin’ny havana aman-tsakaiza mipetraka lavitra. Raha dinihina ny zava-misy any an-toerana dia ho toy ny any Korea avaratra koa izany iny faritra iny.

S.A