Tao anatin’ny ora vitsy monja no nifandimby namoy ny ainy ny zazakely miisa 3 tany Farahala Sambava. Nitovy avokoa ny tranga nanjoa azy ireo satria nandoa, dia te hisotro rano ary avy eo tonga dia miaka-boamaso manary aina. Ny iray hafa ihany koa voa tahaka ireo 3 ireo saingy avotra izy noho ny fitondrana azy haingana tany amin’ny mpitsabo. Efa nidina ifotony nijery ny zava-nisy ny tompon’andraikitry ny fahasalamana sy ny manam-pahefana ary nilaza fa tsy mbola afaka miteny ny fisian’ny valan’aretina. Izany hoe tsy mbola fantatra mazava na areti-mifindra na fanapozinana tamin’ny alalan’ny sakafo no nahazo ireo tsy manan-tsiny ireo. Mihorohoro ny mponina noho izany satria arakaraka ny tsy fahafantarana ny zava-mitranga no vao mainka mampitombo ny tsaho sy ny siosion-dresaka. Ny fitandremana mafy amin’ny alalan’ny fanaraha-maso ny zaza, noho izany, no vahaolana akaiky indrindra hisorohana ilay aretina.

Dom