Efa tra-tehaka mbola be famaliana sy nanohitra ihany ka niafara tamin’ny fahafatesan’izy ireo. Dahalo miisa 4 no tsikaritry ny fokonolona nandalo tao amin’ny fokontany Morafeno any Befandriana avaratra. Namory vahoaka ny filoham-pokontany ary nanakana ireo efa-dahy nitondra omby miisa 9. Nanontaniana mikasika ny taratasin’ireo biby ireo ry zalahy nefa tsy nampiseho fa ry zareo indray no avo vava. Rehefa nifanarakaraka teny ihany dia niafara tamin’ny fifampitifirana teo amin’ny roa tonta, izany hoe ny fokonolona sy ny zandary andaniny ary ny dahalo ny ankilany. Nafana ny fifanjevoana ka matin’ny fokonolona ireo dahalo izay sendra ny be noho ny vitsy. Tonga nijery ny zava-nisy mba hahafahana manokatra ny fanadihadiana ny zandary taorian’io gidragidra nahafatesana olona 4 io.

Dom