Tena efa tsy misy ahafantarana azy intsony mihitsy ny mpanao ratsy ankehitriny. Tovolahy mirijarija no sady mihaingo tsara toy ny tanora rehetra, omaly no nifanenjehan’ny fokonolona tetsy Analakely  Antananarivo.  Refa avy nangarom-paosin’ny vazaha mpizahatany dia lasany ny poketra fitahirizam-bola ka avy hatrany dia  henon’ilay vazaha tompony ka noenjehiny. Tsy nitazam-potsiny ny vahoaka izay efa leo ny laza-ratsin’iny faritra iny amin’izay harom-paosy ka dia nanenjika koa. Tsy lasa lavitra akory dia tratra ka avy hatrany dia niainga ny daroka. Mbola velona tsara anefa ity tovolahy ity ka niezaka nanavotra ny ainy ary nitsoaka nankany amin’ny biraon’ny polisy tao Tsaralalàna. Efa fantany fa ny fahafatesana no miandray azy raha niaritra teo izy. Na izany aza anefa dia efa nihosin-drà ny vatany iray manontolo, ny maso efa nivonto ny ilany vokatry ny daroka nahazo azy.

S.A