Mirongatra ny asa fanendahana any Amborovy Mahajanga amin’izao fotoana izao. Vazaha iray antsoina hoe Woange Jet Lee no nifanena tamin’ny jiolahy ka voaroba tamin’izany ny fakantsary sy ny fonony, ny vola 1,5 hetsy ariary ary ny pasipaoro sy ny karatra fakana vola eny amin’ny banky. Hafakely ilay mpanendaka raha ny fitantaran’i jet Lee satria Woange Jet Lee ilay izy. Soa ihany fa tsy i Jet Lee tena izy ity voaendaka ity fa raha tsy izany dia nidona tamin’ny rindrina ilay jiolahy. Efa manao ny famotorana kosa ny mpitandro ny filaminana ary miandry izay vokatr’izany mba hahafantarana ilay mpanendaka. Manomboka mihitatra amin’ny renivohitra rehetra manerana ny Nosy ny asa fanendahana raha teto Antananarivo no niandohan’izany. Matetika dia ireo tontakely avy eto an-drenivohitra ihany no manitan-kevitra manao asa ratsy any amin’ny faritra.

Dom