Midangana be ny vidim-piainana amin’izao ankatoky ny fety izao. Efa tafakatra 500 Ariary ny vidin’ny atody iray eny amin’ny mpivarotra enta-madinika. Hatrany am-potony mihitsy io hoy ny mpivarotra. Ireo mpanangom-bokatra kosa dia manazava fa ny fiakaran’ny saran’ny fitaterana ary ihany koa ireo kojakoja fiompiana akoho no tena mahatonga izao atody lasa lafo be izao. Ankoatra izany dia misy ihany koa ny fanararaotana rehefa andro fety satria ny vanim-potoana toy izao no mba hahafahan’ireo mpiompy manarina ny fatiantoka nandritra ny taona. Mampametram-panontaniana ny vahoaka anefa ny zava-misy satria ny fitondram-panjakana dia nampanantena fa hanatsara sy hampandroso ny firenena ny nandraisana ny frankofonia. Izao anefa vao mainka miharatsy ny toe-draharaha satria niakatra daholo ny vidin’entana rehetra . « Inona no vaovao manerana ny tany ? tsy takatry ny kely vola izao ny atody ô! » hoy ny mpanakanto Sareraka.

Dom