Mampiasa basy ny sivily any Sakaraha rehefa hifamono. Lehilahy iray no fantatra fa maty nisy nitifitra tany an-toerana vao tsy ela akory izay. Araka ny tatitry ny zandary dia nisy lehilahy 05 mitondra basim-borona 03 no nitifitra an’i Hamina Damy, 35 taona mipetraka ao fokontany Anketa/ Ambohimandroso kaominina Andranovory Distrika Toliara faharoa. Izy handeha hamonjy tsena no nisy namono io. Fantatra avokoa ireo olona nitifitra azy ireo,  izay samy monina ao Anketa/Tanindraza avokoa. Zandary 04 avy ao amin’ny Andranovory no nidina any an-toerana hanao ny fizahana sy hanao ny famotorana. Mbola tsy fantatra kosa ny anton’io vonoan’olona io na misy fikasana handroba na sotasota sy valifaty tsotra izao. Miandry ny valin’ny fanadihadiana ataon’ny zandary vao hivoaka ny tena marina rehetra mahakasika ity vonoan’olona ity.

Dom