Tsy mijanona any amin’ny Rn7 mankany atsimo intsony ireo mpanakan-dalana fa lasa manitatra ny asa ratsiny eny amin’ny lalam-pirenena faharoa mampitohy an’Antananrivo sy Toamasina indray. Omaly vao maraim-be dia taksiborosy iray no voatafika tao Ambanitsena. Fiara 3 izy ireo no niaraka fa ny roa hafa vao nahita ilay sakana dia afaka nihodina niverina. Ilay mazda sisa tavela teo ary tsy afaka nandingana ireo vatobe teo afovoan-dalana. Nitifitra avy hatrany ireo mpanakan-dalana ary voa ny mpamily. Toa efa fantatr’ireo jiolahy ny olona rehetra tao anaty fiara sy ny vola ary firavaka tany aminy ka dia nibaiko sy nitango fotsiny ireo mpanafika. Tsy nisy sahy nanohitra rahateo ny rehetra fa natahotra vao nahita ilay mpamily voatifitra. Fantatra fa nisy olona iray nampiahiahy niala teny an-dalana izay toa nanara-maso sy nanisa ny mpandeha rehetra talohan’ny nidinany ny fiara.

Dom