Renim-pianakaviana iray niaraka tamin’ny zanany vavy 04 ( lucia 10 taona – Larissa 08 taona – Neny 06 taona – Francia 01 taona) no nisy namono tao an-trano, tamin’ny fotoana tsy  nahateo ny vadiny tao an-trano fa lasa nividy Jirofo. Mbola misy zanany 01 antsoina hoe Murielle 03 taona tsy hita na maty na velona hatramin’izao. Nidina tany an-toerana ny zandarimariam-pirenena nanao ny fitsirihana, efa nomena ny fianakaviany ny razana. Ny  sampana fikarohana heloka bevava ao Toamasina no manao ny famotorana. Tsy fantatra izay tena antony nahatonga ity vono olona mahatsiravina ity saingy misy ny mihevitra fa karazan’ny valifaty no ao ambadiky ny raharaha. Mety nalain’ireo mpamono natao takalon’aina mantsy ilay zaza fahadimy tsy hita mba hanerena ny rainy hipotra sy hanaraka ny sitrapon’izy ireo.

Dom