Ny fiaraha-miasa eo amin’ny fokonolona sy ny mpitandro filaminana ihany matetika no tena mahomby raha te hisambotra ireo andiana mpanao ratsy ao amin’ny tanàna iray. Tahaka izany indrindra ity niseho tao amin’ny fokontany Antsahatavolo ao aminn’y kaominina Miandrarivo ity ny alahadin’ny Krismasy lasa teo. Olona tsara sitra-po mantsy no nanome vaovao ny zandary tao Tsiroanomandidy nilaza fa misy olona miisa telo mpivarotra basy ao an-tànana. Nilaza ity olona ity fa ao amin’ireo olona ireo avokoa ireo dahalo sy mpamono olona rehetra ao an-tanàna no manofa sy mividy basy. Nidina tany an-toerana avy hatrany ny zandary nisahana ny raharaha ary niroso tamin’ny fisavana ka  tratra soa aman-tsara tao tokoa ireo olona ireo. Nahatratrarana basy vita gasy iray miaraka amin’ny balany ary basy “pistolet” miaraka amin’ny bala tao an-tranon’ireto olona ireto. Nosamborina avy hatrany izy telo mirahalahy ireo ary ny polisim-pirenena ao Tsiroanomandidy no misahana ny famotorana rehetra.

Ra Tax.