Hatreto aloha dia fimamoana, sakafo ary dihy no amaritan’ny maro ny atao hoe fety na dia fahatsiarovana ny nahaterahan’ny Zanak’Andriamanitra aza no ankalazaina. Ny andron’ny 25 desambra 2016, tamin’ny mamaton’alina na tamin’ny 11ora alina dia vehivavy bevoka iray no voadonan’ny kodiaran-droa teny amin’ny lalam-pirenena fahafito, fokontany Anganonanahary, kaominina ambaninohitry Bongatsara. Vokany, naratra noho ny dona mafy nahazo azy ilay renim-pianakaviana. Tonga teny an-toerana  nanao ny fizahana ny mpitandro filaminana. Nentina avy hatrany teny amin’ny Hjra natao “échographie” izy. Fantatra tamin’izany fizahana izany fa tsy misy atahorana ny fahasalaman’ny reniny sy ny  ain’ny zaza ao an-kibony. Ny mpitandro filaminana ao Ambatofotsy no misahana ny famotorana ilay tovolahy nahavanon-doza. Mila mijery sy mitandrina tsara ny mpamily rehetra mba tsy hisian’ny loza tampoka satria fifaliana no tadiavina nivoahana ny trano nefa olana indray no mitranga rehefa tsy mitandrina.

Tahirisoa