Efa mafy ny donam-piainana matoa tena mamono tena amin’izao faran’ny taona izao. Fa ny fiainana tokoa ve no mafy sa ny olona mihitsy no efa kely saina ka rehefa tratry ny olana dia ny mamono tena sisa no hita fa mety. Raha araka ny Baiboly anefa dia voararan’ny lalàna ary tsy hisitraka ny fiainana mandrakizay izany olona mamono ny tenany izany. Tsy mitovy hevitra amin’izany anefa ity lehilahy iray, monina ao Ambatobe ity satria nisafidy ny haningotra ny ainy izy rehefa niharan’ny olana saro-bahana. Raha ny vaovao azo dia toa hoe nananan’ny olona vola be tsy toko tsy forohana izy ity nefa voaroaka tamin’ny asany. Rehefa tsy nahita vahaolana intsony noho izany ity lehilahy dia nisafidy ny hamono tena ary tamin’ny fomba efa mahazatra. Nihinana fanafody am-polony maro ity rangahy ity ary nitsitra tsy tra-drano tao amin’ny trano fidiovana. Ora maro taorian’io loza io vao nisy olona tonga tao an-tranony ary io no nahita ny fatiny efa nitsirara teo amin’ny tany. Niantso mpamonjy vonjy aina ihany izy io saingy efa tsy tana intsony ny ainy. Marihina fa tsy manambady ary mbola tsy niteraka ity lehilahy namoy ny ainy teo amin’ny 24 taonany ity.

Ra Tax.