Mbola tsy nisy noely sy fetin’ny faran’ny taona tsy nisy orana raha tsy tamin’iny 2016 iny. Faly sahirana ihany ny vahoaka satria ankilany tsy simba ny fitaviana vaovao raha ho an’ny mponina an-drenivohitra ; andaniny mijaly ny tantsaha satria tsy ampy rano ny fambolena, taraiky ny fiakaran’ny vokatra. Antony maro no mahatonga izany tsy fisian’ny orana izany fa ny tena fahotana mahafaty indrindra dia ny doro tanety toy izay nitranga tany Toamasina tao amin’ny fokontany Ampandrombaza, kaominina ambanivohitra Foulpointe tamin’ny 30 desambra 2016 tamin’ny 11ora sy sasany antoandro.  Araka ny vaovao avy any an-toerana dia velaran-tany 30ha no rakotry ny afo niampy tranon-drazana miisa 03. Tamin’ny 7 ora sy 50mn hariva vao voafehin’ny  fokonolona ny afo. Tsy nisy ny aina nafoy na olona naratra tamin’izao loza izao. Ny mpitandro filaminana ao amin’ny borigady foulpointe no misahana ny fanadihadiana.

Tahirisoa