Herinandro izay no niavian’ny orana dia hita ho efa miakatra be mihitsy ny rano amin’ny toerana maro, raha tsy hilaza afa-tsy ny eto amin’ny faritra Analamanga isika. Iri-mahaory satria sady mamono no mamelona ny fiavian’ny orana. Miaina ny tantsaha satria mahazo rano ny fambolena. Miferinaina anefa ny isan-tokantrano satria miakatra ny rano ary mety hisy ny maty sy traboina. Ny marainan’ny 1 janoary lasa teo dia lehilahy roa nandeha nanarato no navadiky ny lakana, tany amin’ny farihin’Itasy kaominina amlbanivohitr’Ampefy, tokony ho tamin’ny 6 ora maraina. Nanipy harato ny iray rehefa tonga teny am-povoan-drano, ary tamin’izay no nivadika tampoka ny lakana. Nahafikitra mololo nampiasain’izy ireo tao anaty lakana ny iray ary iny no namaharany mandra-pahatonga ny mpamonjy azy. Ny iray kosa tsy hita ary mbola karohina hatramin’izao, izay antsoina hoe Rakotonindrina Alfred,60 taona, monina ao Malaza, fokontany  Moratsiazo.

Farah