Toerana fivarotan-toaka iray no saika lasa lavenona omaly maraina tokony teo amin’ny valo ora sy sasany teo ho eo tetsy Nanisana. Tsy fantatra mazava izay niavian’ny afo fa ny setroka efa nivoaka ny varavarankely no tazana sy ny tompontrano efa miantso vonjy no re. Taitra ireo manodidina ka niantso avy hatrany ny  mpamonjy voina. Tsy ela dia tonga ny  fiara maroben’ny mpamonjy voina ka tsy nisy loatra ny fahavoazana, saingy nisy vehivavy roa kosa izay mipetraka ao amin’ilay toerana fivarotan-toaka no taitra tampoka nahita ny fahamaizana no torana tsy nahatsiaro tena. Nentin’ireo mpamojy voina haingana teny amin’ny hopitaly izy roa ireo. Tsy nisy ny maty ary tsy nisy naratra ihany koa. Voafehy haingana ny afo ka tsy betsaka loatra ny fahamaizana.

Mamisolo