Lozam-pifamoivoizana namoizana ain’olona maro no nisantatra ity taona 2017 ity tamin’iny lalam-pirenena fahafito iny. Fiara Sprinter mpitatitra olona, mampitohy an’i Fandriana sy Antananarivo no nifandona mafy tamin’ny kamiao iray mpitatitra entana. Araka ny fanangonam-baovao azo dia anisan’ny mpandeha tamin’ilay sprinter koa ny miaramila kaporaly iray 51 taona. Rehefa henony fa maty ny vadiny sy ny zanany 7 taona dia taitra tampoka izy ka tapaka lalandra ary maty avy hatrany. Miaramila manao stage Cm1 ao amin’ny Ensoa Antsirabe izy io. Tafakatra valo izany ireo maty hatramin’izao. Marihina fa ilay mpamily ny fiara dia mpanofa tranon’io manam-pahefana io araka ny loharanom-baovao hatrany.

Farah