Tsy mba fain-draha ary diso mihetraketraka loatra ny mpamily itony fiara sprinter mpitatitra olona itony. Omaly tamin’ny telo ora sy sasany tolakandro dia nisy fiara tsy mataho-dalana iray niakatra hihazo an’Ambohijatovo no nosongonan’ny sprinter mampitohy an’Ambohijatovo sy Ambolokandrina rehefa tonga teo amin’ny fiolahana eo Antsahabe. Nosongonan’ity farany avy aty amin’ny ankavanan-dalana iry voalohany ka avy dia voakasoka soa aman-tsara ny teo amin’ny zorony an-kavanana. Samy kika ny andaniny sy ny ankilany fa ny hita fa diso kosa dia ilay fiara fitateram-bahoaka. Natao ho an’ny rehetra ny fitandremana satria rehefa tsy misy ny ratra dia tsy maintsy hisy fahasimban-javatra izay tsy mahatonga ny fandaniana tsy ampoizina. Ny fiainana anefa efa iaraha-mahita fa sarotra ka ilaina ny fahaiza-mandinika amin’izay atao rehetra.

Farah