Tany amin’ny Pk18 hiditra an’Andapa no nitranga ny loza ka fiara fitaterana marika Mazda iray no nilatsaka tany an-kady efa ho 100 metatra mahery. Vokany, maty tsy tra-drano ny mpamily ary zazalahy 12 taona no tapa-tanana ka voatery nanaraka fandidiana. Olona 11 no tao anatin’ilay fiara tamin’io fotoana nitrangan’ny loza io ka ny 3 nalefa ao amin’ny hopitalin’Ambanja ary ny 2 hafa kosa tsy maintsy nalefa any Antsiranana. Tsy fantatra mazava kosa izay tena nahatonga ny loza na vokatry ny fandehanana mafy, na tsy fahatomombanana ara-tekinika na ihany koa tsy fitandreman’ny mpamily. Izy rahateo io nindaosin’ny fahafatesana io ka miankina amin’ny fijoroana vavolombelona ataon’ireo akanga sisa nanambora nieren-doza tao anaty fiara no hahafantarana ny tena zava-nitranga marina.

Dom