Tranga tena mampihetsi-po no misy any amin’ny  faritra atsimo. Eny fa na amin’izao vanim-potoanan’ny orana izao aza dia azo lazaina fa tsy hahavaha ny olan’ny mponina any an-toerana amin’ny fahazoana rano fisotro madio. Ny faritra Tsihombe iny no tena betsaka voakasik’izany olana izany satria na misy aza ny sakafo dia rano riaka na “rano mihandrona” eny amoron-dalana no tovozina andrahoana vary na izay sakafo hohanina. Ireny ihany koa no rano tovozin’ireo mpiandry omby hosotroina mandritra ny tontolo andro amin’ny fotoana andalovan’izy ireo eo rehefa ho any antsaha. Na efa misy aza ny ezaka ataon’ireo vondrona iraisam-pirenena toa ny Unicef sy Water’Aid sy ny maro hafa dia mbola mila ezaka maro izany ary voalohany ny fandraisan’andraikitry ny fanjakana. Marihina moa fa amin’ny vanim-potoan’ny orana tahaka izao dia mitoka-monina tanteraka ny faritra Atsimo.

S.A