Samy manana ny fanehoan-keviny amin’ny tsy fisian’ny orana avokoa ny mponina rehetra manerana ny nosy. Tsy mbola nisy toy ny tamin’ity vanim-potoanan’ny orana ity tokoa mantsy fa hatramin’izay dia tondra-drano no hita manerana ny faritra maro. Sarotra ny hifanome tsiny amin’nizao toe-draharaha izao satria samy vinan-kevitra avokoa no aseho. Faritra Alaotra, izay sopitry ny vary, ritra daholo anefa ny barazy lehibe any an-toerana. Anisan’izany ny an’i Sahamaloto izay manondraka tanimbary midadasika tokoa. Ny an’ny Bevava ihany koa efa ambany dia ny rano. Misy fiatraikany goavana amin’ny fambolena izao tsy fasian’ny orana izao ka ahiana tanteraka ny tsy hisian’ny vary amin’ity taona ity ka hampiakatra ny vidim-bary. Hatreto aloha tsy misy fepetra raisin’ny mpitondra fanjakana fa dia mijery fotsiny izy ireo. Eto an-drenivohitra aza moa dia lazain’ny tompon’andraikitra fa io tsy fisian’ny orana io no mahatonga ny delestazy isan’andro io. Tsy mba miaina anaty filaminana sy fiadanana ny vahoaka Malagasy fa miha mijaly hatrany.

Farah